Studimi më i madh për sigurinë e vaksinave anti-COVID, duke përfshirë mbi 99 milionë njerëz nga vende si Australia, Argjentina, Kanada, Danimarka, Finlanda, Franca, Zelanda e re dhe Skocia, ka zbuluar dy efekte anësore të rralla nga këto vaksina. Studiuesit konfirmuan se, pavarësisht dy efekteve të reja të identifikuara (një çrregullim neurologjik dhe inflamacion i palcës kurrizore), përfitimet e vaksinave anti-COVID vazhdojnë të jenë mbi rreziqet e mundshme.
Rezultatet e analizuar nga Rrjeti Global për të Dhënat e Vaksinave përdorën të dhëna shëndetësore për të krahasuar normat e 13 sëmundjeve të trurit, gjakut dhe zemrës te njerëzit që morën vaksinat Pfizer, Moderna ose AstraZeneca.
Lidhjet e njohura mes vaksinave mRNA dhe efekteve të rralla anësore si miokarditi dhe perikarditi u konfirmuan, ndërsa vaksina AstraZeneca u lidh me sindromën Guillain-Barre, trombozën e sinusit venoz cerebral dhe një efekt të ri, encefalomielitin akut.
