Luçiano Boçi, njëri nga themeluesit e Rithemelimit, ka bërë deklarata se lirimi i ish-kryetarit të bashkisë Vangjush Dako nga qelia ka ndodhur me urdhër të kryeministrit Edi Rama. Sipas tij, lirimi ka ardhur si pasojë e heshtjes së Dakos në lidhje me Ramën, duke e cilësuar këtë si besnikëri ndaj partisë dhe kryeministrit.
Boçi argumenton se Dako nuk është akuzuar për veprat e rënda të tij, por për shpërdorim detyre dhe shtesë kati.
‘Dako nuk u lirua se e lejoi tejkalimi i procedurave, por sepse zbatoi ligjin e Omerta-s, të heshtjes, së Edi Ramës. Dako nuk u akuzua për krimet e tij të rënda që rëndonin mbi të si betonizimi i Durrësit dhe krimi monstruoz elektoral të mirëdokumentuar, por për shtesë kati dhe ‘shpërdorim detyre’.
Ai nuk u dërgua në shtëpi se nuk ka prova, por se ai e dha provën e besnikërisë ndaj partisë dhe Edit. Besnikëria, e cila bazohet mbi parimin: lejojeni drejtësinë e re tone të bëjë sikur po na godet, që nëpërmjet saj të godasim kundërshtarët politikë dhe të jemi në pushtet sa të duam vetë.’- u shpreh Luçiano Boçi.
Gjykata e Posaçme ka liruar Dakon nga paraburgimi duke vendosur masën e arrestit shtëpie me mbikëqyrje policore 24 orë gjatë hetimeve.