Pas ngjarjes së rëndë të regjistruar ditën e djeshme në Fier, ku humbi jetën Grei Bihuci, kolegët e 19-vjeçarit kanë bërë homazhe në vendin e ngjarjes ku humbi jetën i riu. Në lidhje me ngjarjen e rëndë që tronditi vendin, ka folur edhe menaxheri i lokalit ku punonte viktima.

Menaxheri i tij shprehet se Grei ka qenë një nga djemtë më të mirë të stafit dhe se nuk kishte sjellje problematike. Ai më tej shtoi se nuk kishin parë asnjë gjë të keqe tek i riu që mund ta çonte në këtë përfundim tragjik për Grein.

“Ishte një nga djemtë më të mirë që kishin në staf, na vjen vërtet keq që u ndodh në vendin e gabuar dhe në momentin e gabuar, sepse nuk ishte djalë që mund të ishte negativ apo të sillte probleme, si në punë apo dhe në familje. Nuk kemi parë asnjë sjellje të keqe që mund ta çonte në këtë përfundim tragjik që Grei pati. Më shumë nuk kemi se çfarë të themi”, u shpreh menaxheri.