Kushtet e qëndrueshme atmosferike do të na shoqërojnë gjatë kësaj jave në territorin shqiptar duke bërë që moti të jetë kryesisht i kthjellët.

Herë pas herë pasditja do të ketë vranësira duke gjeneruar shira të dobët dhe të izoluar, ndërsa më të theksuara shirat do të paraqiten në zonat malore.

Kjo situatë e motit do të jetë deri ditën e premte ku pritet që një pjesë e mirë e territorit të rrezikohet nga rrebeshë afatshkurtë të shiut.

Megjithëse do të kemi prani të shirave, ato do të jenë të përkohshme. Sa i përket vlerave termike do të ketë një rënie të temperaturave krahasuar me fundjavën e shkuar, duke bërë që deri në mesin e javës maksimalja në rang territori të shënojë jo më shumë se 25 gradë.

Nga dita e enjte e premte duke shënuar dhe fundjavën pritet që i gjithë territori shqiptarët të goditet sërish nga masa ajrore të nxehta afrikane duke risjellë temperatura të larta.

Gjithashtu vendet e rajonit, kryesisht territori i Kosovës mbetet në kushtet e qëndrueshme atmosferike gjatë kësaj jave ku do të rrebeshë afatshkurtër të shiut.

Temperaturat e ajrit janë relativisht të freskëta tipike të pranverës deri në mesin e javës.

Ndërkohë pasdite do të ketë herë pas here vranësira dhe shira të dobët dhe lokal. Sa i përket vlerave termike duke filluar që nga dita e sotme deri në mesin e javës do të kemi një rënie krahasuar me javën e shkuar, ndërkohë pritet një rritje e ndjeshme e tyre të enjten dhe të premten.