Kryeministri Edi Rama, nëpërmjet një video të publikuar në rrjetin social “Facebook”, ka prezantuar ditën e sotme një projekt që përfshin digjitalizimin e transportit rrugor përmes e-Transport.

“e-Transport” pritet të jetë platforma më e re digjitale për transportin ndërqytetas. Rama ka thënë se kjo ndodh për herë të parë dhe se bileta elektronike do sjellë një përmirësim rrënjësor të eksperiencës së udhëtimit në Shqipëri.

Gjithashtu nëpërmjet këtij aplikacioni, kreu i qeverisë shprehet se do të menaxhohet dhe monitorohet i gjithë fluksi i udhëtarëve.