Një 30-vjeçar shqiptar ka tentuar të përdhunojë një 32-vjeçare greke në lokalin e saj. Gjatë incidentit, nëna e dy fëmijëve, e cila ka publikuar me dëshirë një video të ngjarjes, ka bërë një apel dhe ka dhënë mesazh se një grua nuk mund të detyrohet të kryejë marrëdhënie seksuale kundër vullnetit të saj.

Në pamjet e publikuara, shihet që shqiptari hyri në pjesën e banakut dhe kërkonte ta puthë dhe të kryenin marrëdhënie seksuale. Megjithëse gruaja i tha që të largohet dhe i tregoi se sipër kokës së tij ishte një kamera, ai vazhdoi të tentojë.

Gruaja vazhdoi të kërkoj të largohet, por pasi që nuk u bind, ajo filloi të bërtas për ndihmë. Shqiptari, i dyshuar për të qenë në gjendje të dehur, u përpoq të afrohej sërish, duke e kapur dhe mbyllur derën. Policia u njoftua për ngjarjen dhe ka arrestuar të dyshuarin.

“Nuk dua as përqafim asgjë, të lutem mbaj distancë, dil jashtë. Mos më prek. Kam kamera. Dil jashtë. Dil jashtë nëse do të flasim”, dëgjohet ajo duke folur me të riun shqiptar.

Videoja e ngjarjes ka shkaktuar shumë reagime dhe është bërë objekt diskutimi për rëndësinë e respektimit të vullnetit të një personi dhe për rëndësinë e ndërhyrjes së menjëhershme në rast të kërcënimit të integritetit të një individi.