Kreu i PD, Lulzim Basha, para seancës plenare të ditës së sotme, ka bërë komente lidhur me kallëzimin që ka bërë në SPAK ndaj Lindita Nikollës për shpërdorim detyre. Basha akuzoi Nikollën për zhbërjen e vendimeve të marrë nga drejtuesit e PD, duke njohur Bardhin si kryetar të grupit dhe duke kthyer deputetët e përjashtuar.

Ai e cilësoi këtë si një pazar mes Rithemelimit dhe PS, duke pretenduar se për të futur deputetët në grupin e PD, nuk u dha Olta Xhaçkës një vend në Kushtetuese.

Basha gjithashtu e karakterizoi si pjesë të lojërave politike dhe teatrit që bëhet në dëm të shqiptarëve. Ai akuzoi qeverinë për bllokimin e Kuvendit për 5 muaj, duke thënë se vendime të rëndësishme kalohen pa debat dhe pastaj bëhet një pakt për një amnisti që liron të korruptuarit, por jo protestuesit.

Kreu i PD nënvizoi se partia e tij ka marrë vendime që qëndrojnë në themel të identitetit politik të tyre, partneritetit me SHBA-në dhe drejtësisë. Ai akuzoi kryeministrin Rama për përdorimin e pazarxhinjve për të bërë një nder për disa persona dhe për të marrë nderin tjetër duke përjashtuar Olta Xhaçkën, një veprim që, sipas Bashës, është në krizë kushtetuese.

“Kjo është pjesë e lojërave politike, teatrit që bëhet në kurriz të shqiptarëve. Kanë 5 muaj që gjoja bllokojnë Kuvendin, kalon buxheti me 3 minuta,, vendime të rëndësishme dhe pastaj bëhen bashkë për një amnisti që liron të korruptuarit, pro jo protestuesit. Pakti vazhdon, nga njëra anë duan t’i imponohen PD. PD ka marrë vendime që qëndrojnë në themel të identitetit tonë politik, partneriteti me SHBA dhe drejtësinë. Rama përdor këtë pazarxhinj për t’iu bërë një nder atyre dhe merr nderin tjetër që është qëndrimi i Olta Xhaçkës, qëndrim totalisht i rakorduar. Kushtetuesja u shpreh, nuk votoi parlamenti, ngrihu blloko foltoren. Ta bllokojnë këta pazarxhinjtë. Bubat e Lindita Nikollës mashtrojnë opinionin. Jo çdo bub kur leh e ka me të keq, leh edhe se do të hajë. Të çohen e të bllokojnë foltoren, se me vendimin për Olta Xhaçkën jemi më krizë kushtetuese. Këta bëjnë sikur s’ka ndodh asgjë, sepse e kanë ngrënë lugën e çorbës së prishur”, tha Basha.

Basha nënvizoi nevojën për të bllokuar këta “pazarxhinj” dhe akuzoi grupin e Nikollës për manipulim të opinionit. Ai përfundoi duke thënë se ata që janë përgjegjës për situatën aktuale nuk pranojnë përgjegjësinë, pasi, sipas tij, kanë përfituar nga situata aktuale.