Komisioneri për Zgjerim, Oliver Varhelyi, mbërrin nesër në orën 10:00, në Rinas, ku do të zhvillojë vizitën e tij zyrtare në Shqipëri.

Komisioneri Varhelyi do të takohet me kryeministrin Edi Rama dhe më pas do të kenë një konferencë të përbashkët për shtyp.

Gjithashtu, në fund të vizitës së tij të shkurtër në Tiranë, ai do të zhvillojë edhe një takim me kreun e Partisë Demokratike, Lulzim Basha.

Fokusi i vizitës së tij është ndihma e Bashkimit Europian për të përballuar pandeminë si edhe dorëzimi i 145 mijë vaksinimeve të financuara nga BE.

Vizita e zyrtarit të lartë europian në Shqipëri, vjen në kuadër të turit në Ballkan me fokus ndihmën e BE-së në përballimin e pandemisë.

Bashkimi Evropian është angazhuar në mënyrë intensive që të mundësojë dërgimin e vaksinave kundër Covid 19 në Ballkanin Perëndimor.