Dy persona janë arrestuar nga policia në Laç pasi janë kapur duke organizuar baste sportive me celularë në një lokal. Aurel Kastrati, 34 vjeç, dhe Klodjan Kastrati, 41 vjeç, të dy banues në Laç, janë arrestuar në pranga pas operacionit policor.
Policia ka kryer kontrolle në bazë të informacioneve operative dhe ka kapur dy të dyshuarit duke vënë baste sportive në lokalin e Aurel Kastratit. Si provë materiale janë sekuestruar dy celularë të tyre. Materialet procedurale janë dërguar në Prokurorinë pranë Gjykatës së Shkallës së Parë të Juridiksionit të Përgjithshëm, Lezhë, për procedura të mëtejshme.
