Një tragjedi e re ka goditur një familje shqiptare në Itali, pasi 25-vjeçari Haris Shala, banues në Pisa dhe kamionist, ka humbur jetën në një aksident rrugor në autostradën A22 Brennero në provincën e Veronës.

Aksidenti ndodhi rreth orës 10:15, kur një përplasje mes dy kamionëve rezultoi në humbjen e jetës së Shalës. Fatkeqësisht, kjo nuk është hera e parë që familja Shala përballon një humbje të tillë tragjike, pasi në tetor të vitit 2021, Harisi humbi kushërin e tij, Besmirin, në një aksident rrugor.

Ndërkaq, shoqëria italiane është prekur thellësisht nga kjo humbje e papritur. Shokët dhe familjarët e Shalës e përshkruajnë atë si një person të përgjegjshëm, të dashur dhe të respektuar. Kjo ngjarje e trishtë ka lënë një hije të thellë dhimbjeje në komunitetin e tyre.

Haris Shala ishte i njohur në qytet.

“Ai ishte një djalë i mirë, por edhe shumë i përgjegjshëm, kujton Marco, një shok shkolle. Një person i integruar dhe i pëlqyer. Na vjen vërtet shumë keq. Ky lajm na ka tronditur”.

“Nuk ka fjalë, thotë Herta kushërira e tij e pushtuar nga lotët. Dhimbja në këtë moment është vërtet shumë e madhe”.