38-vjeçari Denis Havalja (i njohur edhe si Dashamir Havalja) nga Bulqiza, i dënuar për marrëdhënie seksuale me një të mitur, është arrestuar ditën e sotme në Britaninë e Madhe.

Policia ka njoftuar se ai u arrestua në Mbretërinë e Bashkuar për t’u ekstraduar në Shqipëri, në kuadër të operacionit “Alias”, pasi ishte e mundur identifikimi dhe vendndodhja e tij nga strukturat e Policisë së Shtetit dhe bashkëpunimi i ndërkombëtarëve të Interpolit.

Denis Havalja është dënuar me 5 vjet e 4 muaj burgim për veprat penale “Marrëdhënia seksuale ose homoseksuale me të mitur” dhe “Drejtimi i automjeteve në mënyrë të parregullt”. Kjo pasi, në vitin 2016, ka marrë në një automjet me targa angleze një shtetase të mitur dhe ka kryer marrëdhënie seksuale me të.

Gjatë arrestimit, Denis Havalja ishte nën dënim me 2 vjet e 10 muaj burgim që i mbetën për të vuajtur. Procedurat për ekstradimin e tij në Shqipëri po vijojnë.