Moderatorja dhe ish-banorja e “Big Brother VIP Albania 3,” Sara Gjordeni, është përballur me disa komente dhe mesazhe të pakëndshme nga ndjekësit në rrjetet sociale. Së fundmi, ajo ka ndarë me publikun një nga këto mesazhe në një InstaStory. Një ndjekës e kishte shkruar në një mesazh privat, duke iu referuar shtatzënisë së saj: “Kur i bëri tre muaj kjo se nuk dalin llogaritë që e ka me Bardhin.”

Reagimi i Sarës ishte i menjëhershëm dhe i prerë. Ajo vendosi ta publikojë mesazhin e papërshtatshëm, duke treguar për ndjekësit e saj shqetësimin dhe tmerrin që ndjente nga kjo lloj sjelljeje. Sara, e cila ka mbetur shtatzënë pas daljes nga shtëpia e “Big Brother VIP Albania 3,” ka konfirmuar më parë në rrjetet sociale lidhjen e saj me reperin Bardhi, babain e fëmijës së saj.

Ata u njohën dhe u bashkuan gjatë qëndrimit të tyre në reality-show, ku filluan një marrëdhënie dashurie. Pavarësisht se qëndrimi i tyre në shtëpi nuk zgjati për shkak të përjashtimit të Sarës dhe tërheqjes vullnetare të Bardhit, ata vazhduan marrëdhënien e tyre dhe tani janë në pritje të fëmijës së tyre. Gjithçka ndodhi shumë shpejt dhe Sara e Bardhi janë drejt rrugës për t’u bërë prindër.