Në dritën e rastit të Azgan Mërnicës, vrasësit të efektivit të Shqiponjave Novruz Cenalia, që u zbulua se ishte pjesë e Strukturës së Armatosur të PD për Mbrojtjen e Votës (SMV) në zgjedhjet parlamentare të 2021, nënkryetarja e Kuvendit, Ermonela Felaj, bëri thirrje policisë kriminale për të rivendosur hetime në lidhje me krijimin e këtyre strukturave.

Ajo përmendi rastin e vrasjes së Pjerin Xhuvanit në Elbasan dhe të një policit në Fier si prova se në zgjedhjet e 2021 janë mobilizuar dhe rekrutuar elementë kontigjentë kriminal nga opozita. Felaj theksoi se ky çështje ka ngelur pa u hetuar për shkak të përfshirjes së prokurorisë jo kompetente.

Në anën tjetër, Felaj u shpreh e kënaqur për marrëveshjen ndërmjet Republikës së Shqipërisë dhe Organizatës Ndërkombëtare të Policisë Kriminale (INTERPOL), duke e cilësuar si një hap të rëndësishëm. Ajo gjithashtu theksoi rëndësinë e konferences së INTERPOL-it në Tiranë për rritjen e standardeve të punës dhe profesionalizmit të policisë kriminale.

“Siç e tha dhe Naço e Balla, marrëveshja është shumë e rëndësishme. Është hera e parë që mbahet një konferencë e kësaj natyre e INTERPOL në Tiranë. Besoj që të gjithëve  duhet tu thotë që policia nuk është thjeshtë organi më i besuar nga qytetarët por është e besuar dhe nga policitë partnere.
Interpol është organizatë policore e lidhur ngushtë me policinë kriminale. Mbajtja e kësaj konference në Tiranë, pjesëmarrja e shumë delegacioneve, do jetë mundësi e mirë pune dhe mundësi për policinë kriminale që të rrisë standardet e punës dhe profesionalizmit. Referuar të dhënave nga fjala e prokurorit të përgjithshëm dua të ndaj dy të dhëna: koeficenti kriminal në Shqipëri në krahasim me 2022 ka ardhur duke u ulur dhe ky është një lajm i mirë. 800 është koeficenti i kryerjes së veprave penale, por e dhëna që na tërhoqi vëmendjen dhe që shumëkënd e ka shqetësuar, është ajo se cila është vepra më e përhapur penale. Krimi më i përhapur rezulton për krime që drejtohen kundër autoritetit shtetëror. Bëhet fjalë për vepra që drejtohen ndaj punonjësve me uniformë”, shtoi deputetja.

Referuar të dhënave nga fjala e prokurorit të përgjithshëm, Felaj ndau dy të dhëna thelbësore: koeficenti kriminal në Shqipëri ka rënë, por krimi më i përhapur është ai që drejtohet kundër autoritetit shtetëror.