Presidentja e Kosovës, Vjosa Osmani, do të presë sot në një takim në Presidencë Nënsekretaren amerikane të Shtetit për Diplomacinë Publike, Elizabeth Allen. Takimi, i cili do të nisë në orën 09:00, do të përfshijë nënshkrimin e një marrëveshjeje mirëkuptimi ndërmjet Qeverisë së Shteteve të Bashkuara të Amerikës dhe Republikës së Kosovës, me qëllim luftimin e manipulimit të informacionit nga shtetet e huaja.

Pas nënshkrimit të marrëveshjes, Presidentja Osmani dhe Nënsekretarja Allen do të mbajnë një deklaratë për mediat për të informuar publikun mbi detajet e marrëveshjes dhe rëndësinë e saj. Sipas njoftimit, mediat do të kenë mundësi të marrin pamje në fillim të takimit dhe gjatë nënshkrimit të marrëveshjes.

Kjo marrëveshje synon të forcojë bashkëpunimin ndërmjet Kosovës dhe SHBA-ve në fushën e sigurisë informative dhe për të parandaluar ndërhyrjet e huaja në informacionin publik.