SPAK zbulon dhe autorët e hedhjes së eksplozivit në hotelin “Victoria” në Tiranë, një ngjarje e ndodhur më 30 maj 2020. Hotel “Victoria” është në pronësi të Luan Matës, babait të akuzuarit si bosi i kokainës, Ervin Mata, i cili është në kërkim pasi akuzohet për trafik droge dhe planifikim vrasjesh. Në këtë ngjarje u arrestua edhe ish zv/drejtori i policisë së Tiranës, Erzen Breçani.

Sipas SPAK, Ramazan Raja, nipi i ish-deputetit të PS-së, Ramazan Rraja akuzohet se ka kryer veprën penale në bashkëpunim me të pandehurit Plaurent Dervishaj dhe Juljan Mecaj.

Gjithashtu, u zbulua se i pandehuri Ramazan Rraja është njëri nga personat që ka kërkuar dhe siguruar një automjet, duke përdorur njohjet e tij shoqërore në Durrës. Më pas, ai dërgoi një nga të afërmit e tij për të marrë këtë automjet dhe për të realizuar hedhjen e sasisë së lëndës eksplozive në hotelin “Victoria” në Tiranë, një ngjarje e ndodhur më datë 30 maj 2020, ora 22:35. Lidhur me këtë episod, i pandehuri Ramazan Rraja akuzohet se ka kryer veprën penale në bashkëpunim me të pandehurit Plaurent Dervishaj dhe Juljan Mecaj.

Nga shpërthimi i 30 majit, për fat të mirë, nuk pati të lënduar, vetëm dëme materiale.

Ish-anëtari i bandës së Durrësit, Julian Meçaj, është arrestuar në shkurt 2024 nga policia në Dubai.