Një 28-vjeçar, i shpallur në kërkim ndërkombëtar, është kapur në Shënkoll nga Policia e Shtetit. Autoritetet bëjnë të ditur se 28-vjeçari akuzohet nga autoritetet spanjolle për trafik të lëndëve narkotike dhe pritet të ekstradohet drejt Spanjës, pas vendimit të Gjykatës së Tarragonës për caktimin e masës së sigurisë “arrest me burg”.

“Në kuadër të megaoperacionit ‘Sundimi i ligjit’ dhe si rezultat i informacioneve të siguruara nga inteligjenca policore, Drejtoria e Forcës së Posaçme Operacionale, gjatë operacionit policor të koduar ‘Operacionalja 8’, kapi në Shënkoll dhe arrestoi provizorisht, me qëllim ekstradimin në Spanjë, shtetasin shqiptar, të shpallur në kërkim ndërkombëtar K. B., 28 vjeç, i lindur në fshatin Domgjon, Lezhë.

Gjykata e Tarragonës, Spanjë, me vendimin e datës 28.05.2024, i ka caktuar këtij shtetasi, masën e sigurisë ‘Arrest në burg’, për veprën penale ‘Trafikimi i lëndëve narkotike’, parashikuar nga Kodi Penal i Spanjës,” thuhet në njoftim.

Interpol Tirana dhe Interpol Madrid po bashkëpunojnë për të kryer ekstradimin e këtij shtetasi.