Gazetari i BBC, Michael Mosley, i cili ishte shpallur i zhdukur prej së mërkurës, u gjet pa jetë në zonën Agjia Marina të ishullit grek Simit, ku ishin përqendruar edhe kërkimet e ekipeve të ndihmës së shpejtë.
67-vjeçari ishte larguar në mesditë nga shtëpia e miqve ku ndodhej për të shëtitur dhe më pas nuk u kthye më. Për gati 100 orë, të afërmit dhe ekipet e shpëtimit kërkuan në zona të ndryshme të ishullit, por vetëm mëngjesin e së dielës u gjet trupi pa jetë i tij.
Pritet raporti i mjekut ligjor për të zyrtarizuar vdekjen e tij, e cila duket se është shkaktuar nga rënia e tij nga një shkëmb prej një lartësie të konsiderueshme.
