Partitë e ekstremit të djathtë fituan zgjedhjet parlamentare të Bashkimit Europian të cilat u mbajtën prej datës 6 qershor deri të dielën e 9 qershorit. Nga 360 milionë votues me të drejtë vote në BE, vetëm rreth 51% e tyre shkuan dhe hodhën votën në qendrat e votimit. Kjo është një rritje e vogël në krahasim me vitin 2019, kur ka pasur një rritje të madhe të pjesëmarrjes dhe përqindjen më të lartë që nga viti 1994.
Në përfundim u zgjodhën 720 anëtarë të PE, nga secili vend. Shpërndarja e vendeve është si më poshtë:
– Gjermania: 96 vende
– Franca: 81 vende
– Italia: 76 vende
– Spanja: 61 vende
– Polonia: 53 vende
– Rumania: 33 vende
– Holanda: 31 vende
– Belgjika: 22 vende
– Greqia, Çekia, Suedia, Portugalia dhe Hungaria: 21 vende
– Austria: 20 vende
– Bullgaria: 17 vende
– Danimarka, Finlanda, Sllovakia: 15 vende
– Irlanda: 14 vende
– Kroacia: 12 vende
– Lituania: 11 vende
– Sllovenia dhe Letonia: 9 vende
– Estonia: 7 vende
– Qipro, Malta e Luksemburgu: 6 vende
Sa është paga mujore e një eurodeputeti? Nga të dhënat zyrtare nga faqja kryesore e Parlamentit Europian, paga mujore e çdo anëtari është e njëjtë për të gjithë. Paga mujtore e një eurodeputeti është 10,075.18 € bruto dhe 7,853.89 € neto, pas zbritjes së taksave të BE-së dhe kontributeve të sigurimit. Të dhënat e publikuara janë nga 1 korriku 2023, fonde të cilat dalin nga buxheti i Kuvendit.
Paga e tyre ndryshon vetëm në varësi të taksave shtesë që mund të vendosin shtetet e tyre, që dmth se ka shtete që mund të vendosin taksa shtesë kombëtare, shifrat përfundimtare neto varen nga regjimi tatimor i vendit të origjinës së deputetit. Pagat përcaktohen në 38.5% të pagës bazë të gjyqtarit Gjykata e Drejtësisë e BE, siç përcaktohet në Statutin për deputetët e PE.
Në Statutin për deputetët e PE gjithashtu përcaktohet edhe mosha e pensionit për çdo anëtar. Ish-deputetët kanë të drejtën e pensionit kur mbushin 63 vjeç dhe shifra që përfitojnë është e barabartë me 3.5% të pagës së tyre për çdo vit të plotë në detyrë dhe një të dymbëdhjetën e saj për çdo muaj tjetër të plotë, por jo më shumë se 70% në total.
