Presidenti i Partisë së Lirisë, Ilir Meta, ka sulmuar kreun e SPAK, Altin Dumani, duke e quajtur “Dumdumani” dhe duke e akuzuar se është një marionetë e Edi Ramës. Nga Roskoveci, Meta akuzoi Dumanin se përdoret për të goditur opozitën, për të mbrojtur Ramën nga skandalet e tij. Meta tha se Dumani nuk ka thirrur asnjëherë Ramën për përgjegjësitë e tij, ndërsa ka përzgjedhur selektivisht për ndjekje ata që nuk i duhen më Ramës. Ai gjithashtu akuzoi për zvarritje në luftën kundër korrupsionit.
Është denoncim i këtij narko regjimi që ka instaluar Rama bashkë me McGoniogal e tij, duke përdorur marioneta të tilla si Dumdumani. Dumdumnai përdoret për të goditur figura të opozitës që të mos shqetësohet Rama për skandalet e panumërta që ai ka bërë dhe bën çdo ditë. Si shpjegohet që ka gjysmën e qeverisë në burg për 17 vendime që janë pranuar në praninë e tij për 2 orë, janë kundërshtuar e zeza mbi të bardhë drejtori i prokurimeve, dhe ai nuk është thirrur asnjëherë, përveç dhjetëra aferave të tjera. Si mund të jetojë ende në liri dhe vazhdon të vjedhë shefi i kompanisë së vërtetë 5D, Erion Veliaj”, tha Meta.
