Një ngjarje e rëndë ka ndodhur ditën e mërkurë në liqenin e bioparkut AcquaViva në Caraglio, pak kilometra larg Cuneos. Anisa Murati, një 7-vjeçare shqiptare, u mbyt në pellgun e madh artificial teksa ndodhej në një qendër verore për fëmijë.

Familja e Anisës jeton në Demonte, në zonën e Cuneos. Tragjedia ka tronditur komunitetin lokal dhe ka ngritur pikëpyetje të mëdha lidhur me rrethanat e ngjarjes dhe pakujdesinë e animatorëve dhe shoqëruesëve të qendrës verore. Babai i vajzës, Jetmir Murati, foli për mediat italiane, duke kërkuar drejtësi për tragjedinë e ndodhur. Ai deklaroi se vajza e vogël nuk dinte not dhe se ishte pajisur me krahët ndihmues për fëmijë.

“Ajo ishte jeta ime, pse ka vdekur në këtë mënyrë, kërkoj drejtësi deri në fund për këtë tragjedi”, tha Murati.

Anisa u gjet në dy metra thellësi nga ekipet e emergjencës, pasi humbja e saj u vu re në momentin që fëmijët duhet të ktheheshin në shtëpi. Murati kishte besuar shoqëruesëve të qendrës verore, të cilët kishin për detyrë monitorimin e fëmijëve. Edhe pse në biopark ishin dhjetëra fëmijë nga e gjithë lugina, kishte vetëm shtatë shoqërues, dy prej të cilëve ishin të rritur.

Bioparku në fjalë është nën sekuestrim dhe është mbyllur ndërsa kryhen hetimet e nevojshme. Pritet të kryhet edhe autopsia e