Kryetari i ashtuquajturit Asociacion i Qytetarëve të Qarkut të Mitrovicës për Kosovë, Rasha Rojeviç, ka njoftuar se sot do të fillojë një bllokadë shumëditore e pikave kufitare drejt Kosovës. Rojeviç i tha agjencisë së lajmeve serbe BETA se bllokada do të organizohet nga shoqatat vendase të qytetarëve nga Kosova dhe do të përfshijë katër nga pesë vendkalimet kufitare nga drejtimi i Serbisë qendrore dhe Malit të Zi.

Bllokada do të nisë në orën 18:00 dhe do të zgjasë derisa të plotësohen kërkesat e qytetarëve, përfshirë tërheqjen e forcave policore të Kosovës nga veriu i Kosovës dhe kërkesën që KFOR-i të marrë kontrollin e veriut të Kosovës. Rojeviç ka specifikuar se do të bllokohen vendkalimet Bërnjak, Jarinje, dhe Merdare nga ana e Serbisë qendrore, si dhe kalimi Kulla në rrugën Pejë-Rozhaje nga ana e Malit të Zi. Vendkalimi Konçul nuk do të bllokohet për momentin.

Rojeviç ka theksuar se do të lejohet kalimi i automjeteve spitalore dhe të gjitha automjetet dhe pasagjerët me dokumente serbe. Ai gjithashtu ka shtuar se nëse dokumentet serbe nuk janë të vlefshme në Kosovë, atëherë dokumentet e Kosovës nuk mund të jenë të vlefshme as në Serbinë qendrore. Ai ka përmendur se në çdo vendkalim do të jenë të paktën 400 persona në bllokadë.

“Ne do të bllokojmë vendkalimet Bërnjak, Jarinje dhe Merdare nga ana e Serbisë qendrore, dhe kalimin Kulla në rrugën Pejë-Rozhaje nga ana e Malit të Zi. Vendkalimi Konçul nuk do të bllokohet tani për tani. Do të lejojmë vetëm automjete spitalore, si dhe të gjitha automjetet dhe pasagjerët e tjerë me dokumente serbe. Nëse dokumentet serbe nuk janë të vlefshme në Kosovë, atëherë dokumentet e Kosovës nuk mund të jenë të vlefshme as në Serbinë qendrore”, tha Rojeviç duke shtuar se të jenë të paktën 400 persona në bllokadë në çdo vendkalim.

Ndërkohë, Policia e Kosovës ka njoftuar se në territorin e Kosovës nuk do të ketë asnjë bllokadë.