Në burgun e Burrelit është tentuar të futet një dron, por ky përpjekje është parandaluar nga autoritetet. Burime nga drejtoria e burgjeve raportojnë se gjatë kontrollit, droni i kapur nuk është gjetur me sende të paligjshme në të.

Sipas Drejtorisë së Përgjithshme të Burgjeve, ndonëse droni nuk përmbante sende të ndaluara, hetimet tregojnë një tendencë në rritje të grupeve kriminale për të përdorur pajisje të tilla për të marrë pamje nga brenda burgjeve të sigurisë së lartë. Kjo praktikë ka për qëllim mbledhjen e informacioneve që mund të ndihmojnë në aktivitetet e mëtejshme kriminale.

Aktualisht, pajisja fluturuese do t’i nënshtrohet ekspertimit daktiloskopik për identifikimin e gjurmëve papilare, dhe më pas do të bëhet një ekspertim kompjuterik për të identifikuar numrin IMEI dhe çdo informacion të administruar nga kjo pajisje. Po kryhen veprimet e para procedurale, dhe materialet përkatëse do të referohen në prokurori për hetime të mëtejshme.

Për momentin, po punohet për dokumentimin e plotë të ngjarjes dhe për identifikimin dhe arrestimin e bashkëpunëtorëve që janë jashtë regjimit të burgut.