Divergjencat brenda Partisë Demokratike po thellohen, me sulme ndaj Gazment Bardhit dhe grupit të tij. Një video e vjetër, ku Bardhi deklaronte se do të tërhiqej nga politika nëse Sali Berisha do të ishte kandidat për kryeministër në zgjedhjet e vitit 2025, është rikthyer në qendër të vëmendjes pasi u shpërnda nga demokrati Ilir Vrenozi. Në video, Bardhi shprehej se do të bëhej një “anëtar i thjeshtë” nëse Berisha merrte drejtimin e partisë dhe kandidonte për kryeministër. Kjo deklaratë ka nxitur kritika të forta nga disa figura brenda PD-së, që e akuzojnë Bardhin për mungesë qëndrueshmërie dhe koherencë politike.
Reagimet e Figurave Brenda dhe Jashtë PD-së
Ibsen Elezi, ish-kandidat për kryetar të PD-së, ka reaguar ashpër ndaj Berishës dhe grupit të tij. Në një intervistë Elezi e akuzoi Berishën për tradhti ndaj demokratëve dhe shkelje të premtimeve. Elezi u shpreh se strukturat e reja të PD-së nuk kanë potencial për sukses dhe se figurat e vjetra të partisë janë kthyer në “mbeturina” politike. Ai përmendi edhe emra si Flamur Noka, duke thënë se nuk ka më besim në proceset e brendshme të partisë, si primaret.
“Nëse zoti Berisha do të jetë kryetar i Partisë Demokratike dhe kandidat për kryeministër në zgjedhjet e vitit 2025, unë e mbyll karrierën politike dhe do të jem një anëtar i thjeshtë i PD-së”. Kështu deklaronte Gazment Bardhi kohë më parë, në një intervistë televizive. Video është publikuar dje në rrjetet sociale nga demokrati i famshëm Ilir Vrenozi. Kur nuk ke shtyllë kurrizore si te te besoj unë ty, kur e lëpin njëherë ate qe ke mbeshtyre, e bën prape pa problem … prandaj ky është kartë e djegur o miq … kaq”, shkruan ai.
Myslim Murrizi, një tjetër zë kritik brenda PD-së, në një intervistë për A2 CNN, ka theksuar se heshtja dhe servilizmi kanë dëmtuar rëndë opozitën. Ai kritikoi ata që, sipas tij, ndjekin verbërisht liderin politik dhe paralajmëroi se kjo sjellje do të ketë pasoja për të ardhmen e PD-së. Murrizi përmendi se pjesa antikomuniste e partisë është e pavlerësuar dhe akuzoi disa drejtues të qarqeve për lidhje me Sorosin, duke kundërshtuar qëndrimet e Berishës kundër tij.
Heshtja e ka vrarë opozitën dhe PD-në. Kështu deklaroi Myslim Murrizi, një ditë pas debateve të forta brenda Këshillit Kombëtar demokrat. Sipas tij vetëm servilët mendojnë që duhet të jesh në sinkron me atë që thotë lideri. “Kanë patur përplasje por nuk janë përjashtuar, unë Isha i vetmi i përjashtua dhe jam bashkuar në prill të 2022. Erdhi PD tek unë jo unë te PD. Nuk do të shkoja kurrë në Këshill Kombëtar nëse nuk do të bëhej rezoluta e 30 prillit që nuk do të braktisë zgjedhjet e djegë mandatet. E kam deklaruar PD do ta vuajë gjatë këtë lajthitje kolektive që erdhi falë servilizmit të pështirë të disa butakëve që vijnë në Këshill Kombëtar dhe duartrokasin çdo broçkull që del nga goja e çdo debili e servili që mendon veten si lider politik. Servilët e pështirë mendojnë që duhet të jesh në sinkron me atë që mendon lideri.
Heshtja e ka vrarë opozitën dhe PD, heshtja ka vrarë kombe. Koha më ka dhënë të drejtë ç’ka kam deklaruar nga shkurti 19 deri më sot”. Ai tha se pjesa antikomuniste e PD-së është e pavlerësuar, ndërsa njoftoi se 4 nga drejtuesit e qarqeve janë sorosianë në një kohë kur lideri demokrat Sali Berisha ka ngritur shpesh akuza ndaj tij. “Kam që në ‘97 në opozitë, por më dhimbset PD se jam nga 8 dhjetori në PD. Unë dhe palca e PD në 34 vite kanë qenë antikomunistë dhe të pavlerësuar. Në mandatin e parë ishin 34 të përndjekur politikë por nga at që i kishin shpirtin dreqin me nga dy emra e mbiemra. 12 përfaqësues të qarqeve asnjë nuk vjen nga shtresa e përndjekurve politikë. Shajnë Sorosin, por 4 këlyshë Sorosi drejtues qarqesh. Sorosi është një fëlliqësirë e bastard i kohëve moderne. Komunizëm i kamufluar në petkun demokraci”, deklaroi ai.
