Nazmie Buci, një grua 82-vjeçare nga Shkodra, u dhunua fizikisht nga nusja e saj, Elmira Buci, 43 vjeç. Sipas dëshmisë së të moshuarës, nusja e ka goditur atë me bastunin me të cilin ajo lëviz. Policia e Shkodrës ka arrestuar menjëherë Elmira Bucin pas denoncimit të këtij rasti.

Sipas njoftimit të policisë:

“Komisariati i Policisë Shkodër ndaloi shtetasen E. B., 43 vjeçe, banuese në Shkodër, pasi vjehrra e saj 82-vjeçe ka kallëzuar se ajo ka ushtruar dhunë fizike ndaj saj. 82-vjeçarja po merr mjekim në Spitalin Rajonal Shkodër.”

Ngjarja ndodhi më 10 shtator, por djali i të moshuarës, Ylli Buci, nuk lajmëroi policinë dhe as nuk e dërgoi nënën e tij në spital pas ngjarjes, por e kritikoi atë për konfliktin me nusen. Vetëm ditën e nesërme, pasi komshinjtë vunë re gjendjen e saj të rënduar, ata telefonuan policinë dhe ambulancën, duke e çuar të moshuarën në spital. Nusja e saj i kishte thyer edhe celularin, duke e pamundësuar që të kërkonte ndihmë.

Nazmie Buci, e cila mori mjekim dy ditë pas incidentit, është jashtë rrezikut për jetën. Hetimet nga policia e Shkodrës po vazhdojnë për të zbardhur plotësisht këtë rast të rëndë të dhunës në familje.