Gjykata e Posaçme e Apelit për Korrupsionin dhe Krimin e Organizuar ka rrëzuar kërkesën e Plaurent Dervishajt për një masë më të lehtë sigurie, duke lënë në fuqi masën e “arrest me burg”. Ky vendim u mor në seancën e datës 17 shtator 2024, ku gjyqtarët Florjan Kalaja (kryesues), Iliriana Olldashi dhe Miliana Muça, shqyrtuan ankesën e Dervishajt kundër vendimit të mëparshëm të Gjykatës së Shkallës së Parë.
Njoftimi zyrtar nga Gjykata e Posaçme konfirmon se vendimi i datës 16 gusht 2024 për arrestin me burg mbetet në fuqi, duke refuzuar kërkesën e të pandehurit për ndryshim të masës së sigurisë.
