Një sherr i ashpër ka shpërthyer gjatë punës mes dy punëtorëve ndërtimi në Heraklion, Greqi, ku njëri prej tyre ishte shqiptar dhe tjetri palestinez. Konflikti nisi nga një mosmarrëveshje në punë, dhe në vend që të zgjidhej me komunikim, situata u përshkallëzua në dhunë fizike.
Dy punëtorët filluan të godasin njëri-tjetrin me sende të forta. Njëri përdori çekiç, ndërsa tjetri vare për të sulmuar. Të dy pësuan plagë të lehta në kokë dhe u dërguan për trajtim mjekësor. Pas incidentit, policia ndërhyri dhe arrestoi të dy personat, ndërkohë që është urdhëruar edhe kryerja e një ekspertize mjeko-ligjore për të vlerësuar dëmet e shkaktuara.
