Në Kuvendin e Shqipërisë kanë nisur homazhet në nder të ish-deputetit demokrat Gerti Bogdani, i cili u nda tragjikisht nga jeta një ditë më parë pas një ataku kardiak. Me dhimbje dhe lot, deputetët demokratë janë mbledhur për të nderuar kolegun e tyre këtë të enjte.

Figurat kryesore të Partisë Demokratike, si Flamur Noka, Gazment Bardhi, Agron Gjekmarkaj, Jorida Tabaku, dhe Ina Zhupa, së bashku me shumë të tjerë, kanë shkuar në hollin e Kuvendit me kurora me lule për të nderuar Bogdanin. Në librin e kujtimeve, ata kanë shkruar fjalët e fundit për ish-deputetin, duke shprehur ngushëllimet dhe respektin e tyre për kontributin e tij.

Ndërkohë, mësohet se ish-kryeministri Sali Berisha nuk mundi të marrë pjesë në homazhe për shkak të arrestimit të tij shtëpiak dhe pamundësisë për të siguruar leje nga gjykata.