Departamenti amerikan i Shtetit ka miratuar një shitje të mundshme të raketave Javelin FGM-148F dhe pajisjeve përkatëse për Bullgarinë, me një kosto të vlerësuar prej 114 milionë dollarësh. Pentagoni njoftoi se kjo shitje do të përmirësojë kapacitetin afatgjatë të mbrojtjes së Bullgarisë, duke ndihmuar në ruajtjen e sovranitetit dhe integritetit territorial të vendit, si dhe në përmbushjen e kërkesave të tij të mbrojtjes kombëtare.

Kjo marrëveshje do të mbështesë gjithashtu politikën e jashtme dhe objektivat e sigurisë kombëtare të SHBA-së, duke forcuar sigurinë e një aleati të NATO-s. Kontraktorët kryesorë për këtë shitje janë “Javelin Joint Venture”, një partneritet midis Lockheed Martin dhe RTX Corporation. Agjencia e Bashkëpunimit për Sigurinë e Mbrojtjes dorëzoi certifikatën e kërkuar, duke njoftuar Kongresin për këtë shitje të mundshme.