Këngëtari dhe regjisori i njohur turk, Metin Arolat, ndërroi jetë tragjikisht gjatë një performancë në Kozyatagi, sipas raportimeve të mediave lokale. Arolat, i cili ishte 52 vjeç, pësoi një atak në zemër ndërsa ishte në skenë.

Pavarësisht se ndjeu dhimbje dhe mpirje të krahut të majtë, ai vazhdoi performancën deri në momentin kur u rrëzua. “Krahu im i majtë është mpirë,” tha ai pak para se të rrëzohej në skenë. Një infermiere që ndodhej në audiencë nxitoi ta ndihmonte dhe thirri ambulancën, por përpjekjet për ta shpëtuar ishin të kota, pasi Arolat ndërroi jetë rrugës për në spital.

Miku i tij i ngushtë, Demet Sagiroglu, zbuloi për mediat se dyshonte që shëndeti i Arolatit ishte ndikuar nga një dietë e rreptë, duke shtuar se ai kishte filluar të ndihej keq sapo doli në skenë. Arolat ishte jo vetëm një këngëtar i suksesshëm, por edhe një regjisor i njohur që kishte bashkëpunuar me shumë artistë turq në projekte të ndryshme.