Në kuadër të muajit të sensibilizimit kundër kancerit të gjirit, kryeministri Edi Rama ka bërë një thirrje të fuqishme për të gjitha gratë dhe vajzat, duke i inkurajuar ato të kujdesen për shëndetin e tyre përmes kryerjes së mamografisë. Me anë të një postimi në Facebook, kreu i qeverisë ka apeluar për rëndësinë e kontrollit mjekësor si një masë parandalimi ndaj kësaj sëmundjeje.

“Thirrja e përvitshme në çdo ‘TetorRozë’ për të gjitha gratë dhe vajzat që të marrin fare pak kohë për t’u kujdesur për veten, duke bërë mamografinë falas në rrjetin e poliklinikave dhe spitaleve rajonale në vend, ju uroj një ditë të mbarë,” ka shkruar Rama në rrjetet sociale.

Qëllimi i kryerjes së këtyre analizave është parandalimi i hershëm të kancerit të gjirit dhe rritja e mundësive për një shërim të plotë të çdo gruaje. Kjo iniciativë e kryeministrit synon të rrisë ndërgjegjësimin për rëndësinë e kontrolleve të shëndetit dhe për të siguruar që çdo grua të marrë masat e nevojshme për të mbrojtur shëndetin e saj.