Tre shtetas shqiptarë janë arrestuar në Itali, pasi kryen disa grabitje në farmaci gjatë natës së 8 dhe 9 tetorit. Sipas mediave vendase, grupi filloi veprimet e tyre duke sulmuar një farmaci në Piazza Marinai d’Italia, në Oltreponte, ku arritën të marrin rreth 5,000 euro.

Pas këtij veprimi, ata tentuan të kryenin grabitje në dy farmaci të tjera, një në Balzola dhe tjetrën në Morano. Përpjekjet e mëvonshme dështuan, pasi në njërën prej rasteve pronari i farmacisë ishte i pranishëm, ndërsa në rastin e fundit policia arriti të ndërhyjë në kohë dhe t’i arrestojë grabitësit.