Një bombol gazi ka shpërthyer mëngjesin e së dielës në një banesë në Ishull Lezhë, duke shkaktuar momente paniku. Familjarët kanë vënë re flakët sapo kanë filluar dhe kanë reaguar menjëherë duke nxjerrë bombolën jashtë banesës, duke parandaluar një rrezik të madh për jetët e tyre dhe të fqinjëve.

Forcat zjarrfikëse mbërritën në vendngjarje dhe arritën të neutralizojnë flakët para se situata të përshkallëzohej. Shkaku i shpërthimit dyshohet të jetë një rrjedhje në tubin e gazit, e cila ka lejuar akumulimin e gazit që më pas çoi në shpërthim.