Ka përfunduar pas vetëm 20 minutash seanca e sotme plenare në Kuvendin e Shqipërisë. Nënkryetari i Kuvendit, Bledi Çuçi, njoftoi mbylljen e seancës pas përfundimit të raportimeve të deputetëve të mazhorancës, të cilat ishin në kuadër të javës së gjelbërt.

Ndërkohë, deputetët e opozitës që ishin regjistruar si diskutantë nuk ishin të pranishëm në sallë dhe nuk paraqitën raportime.

Pjesa e papërjashtuar e deputetëve të opozitës, ashtu siç ishte paralajmëruar, ka vijuar me aksionin e tyre opozitar që në fillim të seancës. Me pankarta në duar, ata bllokuan foltoren dhe kishin të ndezur edhe zhurmues në sallë, duke e bërë të pamundur zhvillimin normal të diskutimeve. Kjo situatë ka tensionuar më tej klimën politike dhe ka nxjerrë në pah dallimet e thella mes mazhorancës dhe opozitës.