Pas atentatit tragjik në Shkodër, ku Hamza Lici dhe një kalimtare humbën jetën dhe dy të tjerë u plagosën, autoritetet kanë shoqëruar katër persona në komisariat për të zbardhur ngjarjen.
Ngjarja ndodhi në Dobraç, ku Hamza Lici, i cili dyshohet se ishte objektiv i autorëve, u vra. Ai ishte vëllai i Ibrahim Licit, i shpallur në kërkim nga autoritetet shqiptare për vrasjen e Endri Mustafës dhe i dyshuar të jetë në Turqi. Ndërsa, Arlind Bushati, që po udhëtonte me Lici, u plagos rëndë. Bushati është djali i Xhemal Bushatit, ish-kandidat i Partisë Demokratike për Bashkinë e Shkodrës, dhe kishte denoncuar më herët se ishte kërcënuar me jetë.
Policia e Shkodrës ka reaguar lidhur me masakrën e ndodhur, duke konfirmuar se në automjetin ku udhëtonin Lici dhe Bushati u gjetën tre armë zjarri.
Sipas njoftimit të Policisë, në vijim të hetimeve, gjatë kontrollit të zonës për kapjen e autorëve, në fshatin Golem u gjet një automjet tip “Range Rover” i djegur plotësisht, si dhe dy armë zjarri automatike.
Ibrahim Lici dyshohet se është autor i vrasjes së Endri Mustafës në Shkodër dhe ka qenë një nga 5 personat më të kërkuar nga policia në Shqipëri.
Në Shkurt të këtij viti, pikërisht Hamza Lici reagoi për mediat për arrestimin e vëllait të tij në Turqi.
Arlind Bushati, 32-vjeçari i cili mbeti i plagosur fillimisht në atentatin e kësaj të mërkure në Shkodër, është djali i Xhemal Bushatit, ish-kandidati të PD për Bashkinë e Shkodrës 2 vjet më parë, ai nuk i mbijetoi dot plageve te marra.
32-vjeçari, në fillim të këtij muaji denoncoi në polici se dy persona që lëviznin me motor i kishin drejtuar armën teksa ndodhej në pedonalen e Shkodrës.
Sot do të ndiheni plot energji dhe dëshirë për të ndërmarrë iniciativa të reja. Në punë, është momenti i duhur për të treguar... 
