Sukses, emocione dhe krenari; kështu mund të përshkruhen vitet e tyre me fanellën kuqezi. Fjala është për Klaus Gjasulën, Bekim Balajn, Odise Roshin dhe Ermir Lenjanin, katër futbollistë që kanë vendosur të tërhiqen nga ekipi kombëtar pas një përvoje të gjatë dhe të suksesshme. Këta lojtarë kanë lënë një ndikim të madh në historinë e futbollit shqiptar, duke dhuruar momente të paharrueshme për tifozët.

Përpara fillimit të ndeshjes Shqipëri – Çeki në Ligën e Kombeve (20:45), Federata Shqiptare e Futbollit (FSHF) ka organizuar një ceremoni lamtumire për këta ish-futbollistë, duke i nderuar ata për kontributin e jashtëzakonshëm që kanë dhënë për kombëtaren. Katër emrat e përmendur më sipër zbritën në fushën e “Air Albania” në Tiranë për herë të fundit, përpara një stadiumi të tejmbushur. Ata përshëndetën tifozët me një lamtumirë të merituar, duke iu dhënë fund një periudhe të ndritshme në karrierën e tyre ndërkombëtare.

Ceremonia e lamtumirës ishte një moment i veçantë për këta futbollistë, të cilët me sakrificën dhe pasionin e tyre, kanë shkruar histori me kombëtaren shqiptare.