Një djalë i ri shqiptar, Arbër Axhami, është dënuar me 14 muaj burg nga një gjykatë angleze, pasi u kap me një arsenal armësh në makinën e tij. Ngjarja ka ndodhur në qytetin Doncaster, ku 19-vjeçari shqiptar ishte ndaluar gjatë një kontrolli të rastësishëm të policisë.

Oficerët ndaluan makinën tip Mercedes të Axhamit afër qendrës së qytetit, dhe ai pranoi se nuk kishte patentë shoferi ose siguracion për mjetin. Gjatë kontrollit të mëtejshëm, u gjet një municion armësh, duke përfshirë shigjeta dhe thika. Pas kësaj, Arbër Axhami u arrestua për tre akuza: mbajtjen e armëve dhe thikave, si dhe për drejtimin e mjetit pa patentë dhe pa siguracion.

I riu shqiptar pranoi të gjitha akuzat në Gjykatën e Magistratëve në Doncaster më 17 tetor, dhe këtë javë u dënua me 14 muaj burg në Gjykatën e Kurorës në Sheffield për këto shkelje. Dënimi erdhi pas një hetimi të shpejtë dhe një procesi të shkurtër ligjor.