Në një studio televizive mbrëmjen e sotme, babai i Luisit, djalit të plagosur rëndë gjatë sherrit pranë shkollës “Fan Noli” në Tiranë, ku humbi jetën 14-vjeçari Martin Ç., ndau një detaj të ri tronditës mbi ngjarjen. Sipas tij, Luisi dhe Martini janë goditur nga dy persona të ndryshëm.

“Po ta them me emër, personi i parë që e ka goditur Luisin me thikë pas shpine është Kledjon Begaj,” deklaroi babai i Luisit, duke zbuluar një nga emrat e përfshirë në këtë akt të dhunshëm.

Ai gjithashtu theksoi se Martini gjithashtu ishte goditur nga një person tjetër, pa e specifikuar qartë identitetin e tij.

Dëshmia e tij hedh më shumë dritë mbi këtë ngjarje të rëndë, e cila ka tronditur familjet e përfshira dhe mbarë opinionin publik. Ndërkohë, autoritetet po vazhdojnë hetimet për të zbardhur plotësisht rrethanat dhe për të vënë para drejtësisë të gjithë të përfshirët.