Kryetari i Partisë së Lirisë, Ilir Meta tha se kjo është një qeveri e korruptuar, ndërsa mori shembullin e aferës së inceneratorëve, për të cilën ministri i Financave në atë kohë, Shkëlqim Cani nuk pranoi të firmoste.
Sipas Metës, Cani është socialist me integritet që nuk firmos siç firmosin socialistet e tjerë.
“Po pse mo ca e dini ju Shkëlqim Canin? E dini njeri pa mend që tha ‘unë më mirë ik nga qeveria sesa të firmos për inceneratoret e këtyre’. Shkëlqimi është socialist me integritet, nuk është kështu hajde nga rruga dhe firmosni ju edhe takohemi pastaj te vendi. Jo, sepse Shkëlqimi kishte qenë zv.kryeministër në kohën e një tjetri kryeministri, që firmoste shpejt e shpejt ai. Në vend që të sillte bukë sillte marmelatë”, u shpreh Meta nga Elbasani.
