Një aksident ka ndodhur në lagjen nr. 7 të Korçës rreth orës 12:30, ku një automjet i markës “Benz” është përplasur me një këmbësor. Automjeti, i drejtuar nga shtetasi E. Ç., 30 vjeç, ka goditur shtetasin H. S., 70 vjeç. I moshuari është transportuar në spital dhe ndodhet nën kujdesin e mjekëve.
Drejtuesi i automjetit është shoqëruar në Komisariatin e Policisë Korçë për kryerjen e veprimeve të mëtejshme procedurale. Në vendngjarje ndodhet grupi hetimor, i cili po punon për të përcaktuar shkakun e aksidentit.
