Një aksident me pasoja fatale është regjistruar ditën e sotme në afërsi të fshatit Oshtimë, në aksin e vjetër rrugor të Vlorës.

Si pasojë e përplasjes së fortë, 34-vjeçari Albano Hoxha ka humbur jetën, pavarësisht ndërhyrjes së shpejtë të shërbimeve mjekësore.

Pamjet nga vendngjarja tregojnë një situatë të rëndë, ku automjeti është shkatërruar pothuajse plotësisht nga goditja.

Në vendngjarje kanë mbërritur forcat e policisë, të cilat po punojnë për të zbardhur shkaqet dhe rrethanat e aksidentit tragjik.