Krujë, 27 tetor 2025 — Një aksident me pasojë vdekje ka ndodhur mbrëmjen e sotme në aksin Krujë–Fushë Krujë.
Rreth orës 21:00, një 20-vjeçar duke drejtuar automjetin ka përplasur një këmbësor, i cili ende nuk është identifikuar. Për shkak të plagëve të marra, këmbësori ka ndërruar jetë në vendngjarje.
Drejtuesi i automjetit është shoqëruar në komisariat për veprime të mëtejshme hetimore, ndërsa grupi hetimor po punon për përcaktimin e shkakut të aksidentit.
Policia apelon për kujdes në rrugë, duke theksuar se respektimi i rregullave të trafikut mund të shpëtojë jetë.
