Një fëmijë i mitur është raportuar i zhdukur në orët e para të mëngjesit të së shtunës në fshatin Carrabreg të komunës së Deçanit.

Sipas njoftimit të Policisë së Kosovës, rreth orës 04:00, një qytetar ka raportuar se djali i tij i mitur, i cili vuan nga probleme shëndetësore, është larguar nga banesa.

Menjëherë pas denoncimit, forcat policore kanë nisur kërkimet intensive për gjetjen e të miturit. Deri më tani, nuk ka ende asnjë informacion mbi vendndodhjen e tij dhe arsyet e largimit mbeten të paqarta.

Autoritetet u bëjnë thirrje qytetarëve që të raportojnë çdo informacion që mund të ndihmojë në gjetjen e fëmijës.