TIRANË – Pas shumë spekulimeve që qarkulluan në media dhe rrjete sociale lidhur me largimin e papritur të Albës nga Ferma VIP, një ndër hipotezat më të përfolura ishte se ajo mund të ishte shtatzënë. Megjithatë, gjatë spektaklit të mbrëmjes së djeshme, çifti Alba dhe Limi i hodhën poshtë këto zëra, duke i cilësuar të pavërteta.

“Jo, nuk jam shtatzënë,” u shpreh Alba me qetësi, ndërsa partneri i saj Limi shtoi me humor dhe sinqeritet: “Jo tani, por ndoshta pas dy vitesh po e mendojmë seriozisht një fëmijë.”

Deklarata e tyre u prit me duartrokitje nga publiku, ndërsa vetë çifti theksuan se duan të shijojnë kohën së bashku pas eksperiencës në reality show, para se të ndërmarrin një hap të tillë të rëndësishëm në jetën e tyre.