Analisti politik Fitim Zekthi komentoi pezullimin e ish-zëvendëskryeministres Belinda Balluku, duke vënë theksin te reagimi i kryeministrit Edi Rama. Sipas Zekthit, Rama ndihet i rrezikuar nga kjo çështje dhe kjo shpjegon edhe qëndrimin e tij publik.

“Rama reagon tani sepse tani është i rrezikuar. Kur u arrestua Veliaj, foli për shpatën e drejtësisë dhe u organizua një protestë që nuk mund të bëhej pa miratimin e tij. Tani ndjehet më shumë i rrezikuar. Pezullimi i Ballukut hap derën që të legjitimohet pezullimi i ministrave dhe ndoshta edhe i tij vetë”, tha Zekthi.

Analisti shtoi gjithashtu se pezullimi i Ballukut ishte i domosdoshëm dhe theksoi se Partia Socialiste mban pushtetin në mënyrë që të mbrohen vetë interesat e saj, duke sugjeruar se ky veprim synon të parandalojë ngjarje të padëshiruara në të ardhmen.