Armando Broja do të udhëtojë me ekipin e Chelsea-t drejt SHBA-së për turin përgatitor që klubi londinez po zhvillon atje. Ky lajm u bë zyrtar nga klubi në mbrëmje para nisjes së ekipit drejt SHBA-së, ku do të përgatiten për sezonin e ri dhe do të zhvillojnë disa ndeshje miqësore.

Vendimi për përfshirjen e Brojës në këtë tur është i rëndësishëm pasi mund të nënkuptojë qëndrimin e tij në klubin londinez nën drejtimin e trajnerit Enco Mareska, pavarësisht se lojtari kërkon një skuadër ku të ketë më shumë mundësi për të luajtur rregullisht.

Ndërkohë që Broja cilësohet si në listën e transferimeve, klubi ka vendosur ta marrë me vete në SHBA. Në të kundërt, futbollistë si Cesare Casadei, David Datro Fofana, Trevoh Chalobah dhe Slonina Petrovic janë lënë në Londër në pritje të transferimit të mundshëm në skuadra të tjera.