Në Elbasan, dy persona u arrestuan sot për vjedhje. Një 47-vjeçar, E. M., u kap pasi kishte vjedhur një celular nga një lokal në fshatin Labinot. Celulari u gjet dhe u sekuestrua nga policia. Ndërsa një 60-vjeçar, M. F., u arrestua pasi kishte vjedhur një biçikletë nga banesa e një 72-vjeçari në lagjen “5 Maj”.

Njoftimi i Policisë:

Drejtoria Vendore e Policisë Elbasan •Menjëherë pas 2 denoncimeve për raste vjedhjesh, Komisariati i Policisë Elbasan, në vijim të punës për garantimin e sundimit të ligjit në territor, organizoi punën dhe si rezultat, identifikoi dhe vuri në pranga autorët e këtyre 2 rasteve, konkretisht: -shtetasin E. M., 47 vjeç, banues në Tiranë, pasi mëngjesin e djeshëm, ka vjedhur 1 celular, në banakun e lokalit në pronësi të shtetasit E. F., në fshatin Labinot. Celulari u gjet dhe u sekuestrua në cilësinë e provës materiale; -shtetasin M. F., 60 vjeç, banues në Elbasan, pasi ka vjedhur 1 biçikletë, në banesën e një 72 vjeçari, në lagjen “5 Maj”.