Një 40-vjeçar shqiptar, i punësuar si recepsionist në një hotel në Bibione, Itali, është arrestuar nga policia me akuzat për akte të turpshme në publik dhe prodhim të materialeve pornografike me të mitur.
Sipas hetimeve, ai fotografonte fëmijët në tualetet e plazhit dhe ruante imazhet në telefonin e tij, bashkë me materiale të tjera pedo-pornografike. Shqiptari nuk hezitonte të kryente akte të turpshme edhe para kamerës.
Operacioni i policisë u krye pas një serie denoncimesh nga prindër dhe pushues, ndërsa prokuroria e Pordenones vendosi ta lërë në burg. Policia u bëri thirrje pushuesve dhe stafit të plazhit të jenë vigjilentë dhe të raportojnë çdo sjellje të dyshimtë.
