Policia Kufitare ka intensifikuar kontrollet në pikën kufitare të Muriqanit, në kuadër të masave për parandalimin e krimeve ndërkufitare dhe kapjen e personave të shpallur në kërkim ndërkombëtar.

Si rezultat i këtyre kontrolleve, është arrestuar Nevrat Ali, një shtetas maqedonas, 51 vjeç, i shpallur në kërkim ndërkombëtar për veprën penale “Grabitja”. Ali u ndalua në daljen e pikës kufitare të Muriqanit, pas shkëmbimit të informacionit mes Policisë Kufitare dhe Interpol Tiranë.

Shtetasi Nevrat Ali ishte shpallur në kërkim nga Interpol Shkupi, pasi më 1 qershor 2023, Gjykata Primare e Shkupit kishte caktuar ndaj tij masën e sigurisë “Arrest në burg” për kryerjen e veprës penale të grabitjes.

Autoritetet shqiptare janë duke bashkëpunuar me homologët e tyre në Maqedoninë e Veriut për përfundimin e procedurave të ekstradimit të 51-vjeçarit.