Drejtori i Komunikimit në Partinë Demokratike, Alfred Lela, është larguar nga studio e emisionit “Top Story” pas një përplasjeje të drejtpërdrejtë me moderatoren dhe autoren Grida Duma.

Debati ka nisur pas një komenti të Lelës ndaj Dumës, që ka tensionuar menjëherë atmosferën në studio dhe ka sjellë ndërhyrjen e moderatores për të vijuar diskutimin në një ton tjetër.

Grida Duma:
“Top Channel të do ty këtu për të thënë të vërtetën.”

Alfred Lela:
“Pse çfarë ishte e pavërtetë? Topi është i joti, penalltinë gjuaje vetë.”

Grida Duma:
“Se çdo ‘Topi’ ta tregojë unë tani. Te fusha ime nuk gjuan dot penallti ti.”

Alfred Lela:
“Gishtin mos ma drejto mua se nuk jam nxënësit yt. Atë gishtin fute ku të duash.”

Grida Duma:
“Të nxjerr ty dhe shumë të tjerë që flasin kështu nga studio. Atë gishtin fute ti ku të duash.”

Pas këtij momenti, situata është përshkallëzuar dhe është kërkuar ndërprerja e debatit, duke çuar në largimin e Lelës nga studio.