Beteja për audiencën mes formateve televizive “Big Brother VIP Albania” dhe “Ferma VIP” ka arritur kulmin mbrëmjen e sotme me dasmën e shumëpritur të çiftit Mateo Borri – Brikena Selmani. Produksioni i BBVA kishte planifikuar këtë ngjarje strategjike pikërisht për të tërhequr vëmendjen e publikut në të njëjtin orar me spektaklin rival.
Pamjet e transmetuara live në kanalet zyrtare të YouTube treguan se në momentin kulminant të puthjes së çiftit, BBVA kishte rreth 220 mijë shikues në kohë reale. Ndërkohë, një incident ironik ndodhi në “Ferma VIP”, ku Arbana Osmani kishte kaluar në hapësirë publicitare pak minuta para këtij momenti.
Pavarësisht ndërprerjes së transmetimit, “Ferma VIP” arriti të shënojë audiencë më të lartë, mbi 241 mijë shikues live, duke lënë pas rivalin direkt. Ky detaj nuk ka kaluar pa u vënë re nga ndjekësit, të cilët kanë shpërndarë menjëherë pamjet krahasuese dhe komentet mbi rezultatet e papritura të spektaklit.
